Қазақстанда азаматтардың көп қоныс аударатын қалалары белгілі болды
Бүгінгі таңда Қазақстан халқының саны 20 014 575 адамды құрайды, халық санының ең жоғары өсу қарқыны еліміздің үш қаласында байқалады. Бұл туралы Stan.kz ақпарат агенттігі хабарлайды.
Ұлттық статистикалық бюросының мәліметінше, 2023 жылғы 1 желтоқсандағы жағдай бойынша халық саны 20 014 575 адамды құраған, оның ішінде қала тұрғындары – 12 431 220 адам, ауыл тұрғындары – 7 583 355 адам.
Сонымен қоса деректе 2023 жылдың басынан бері халық саны 247 768 адамға артқаны, оның ішінде табиғи өсім есебінен 239 422 адамға, көші-қон есебінен 8 346 адамға өскені айтылады.
“Халық санының ең жоғары өсу қарқыны Астана мен Алматы қалаларында, тиісінше 5,11% бен 2,82%, сондай-ақ Маңғыстау облысында тіркелді – 2,40%”, – делінген ақпаратта.
Қоғамдық келісім құжаты – қостанайлықтар жаңа Конституцияны қолдады
Мемлекеттік кеңесші Ерлан Қарин Жалпыұлттық коалициясының мүшелерімен бірге Қостанай облысына барып, өңір жұртшылығымен бірқатар кездесу өткізді
Алматы әкімдігі 700 милллион теңгеге жаңа автокөліктер сатып алып, кейін оларды өзіне өзі жалға берген
700 миллион теңгеге 33 жаңа көлік сатып алынған